《FIFA 20》 FUT 球員短評 : David Villa 大衛韋拿 (90)

《FIFA 20》Ultimate Team 今個禮拜就出了時代的終結 ( End of Era ) SBC 任務大衛韋拿 ( David Villa ),不過同時又出了 Base Icon 嘅 SBC 任務,令到大衛韋拿 ( David Villa ) 嘅造價都同時扯高到 260k,究竟各位機友應該狗衝定係按兵不動呢 ? 希望小弟嘅簡評幫到大家決定做定係唔做。

SBC 造價 : 260k (筆者執筆之時)

球員優點 :

– 埋門遠射
– 運球帶波
– 4* 腳法
– 4* 左右腳
– 身位體能

球員缺點 :

– 敏捷
– 平衡

首選 Chemistry 卡 : ENGINE ( 引擎 )、SNIPER ( 狙擊手 )


實力 : 9.5/10

作為前鋒,大衛韋拿完全適合打單箭頭或雙箭頭,前鋒本身需要的能力佢都有齊重要唔弱,速度、埋門、遠近射、帶波過人都有非常出色嘅表現,唯獨敏捷度同平衡比其他一般嘅頂級前鋒低,唔多唔少都有啲影響帶球時候嘅轉向,打法上筆者建議運球時同時按 L1 (仔細運球),多少解決到轉向個問題,同埋更容易擺脫到防守球員。

另外針對佢敏捷度同平衡度比較低呢一點,筆者建議食 ENGINE ( 引擎 )或者 SNIPER ( 狙擊手 )去提升呢兩項數值,咁樣韋拿出黎嘅表現就會更加好。

大衛韋拿由上年嘅 5* 左右腳變咗今年嘅 4*,不過落場比賽時個感覺影響唔太大,左右腳都可以輕鬆入球,大衛韋拿喺遊戲入面嘅表現一定比起數值更出色,例如速度加速 87 頂速 91 數字上唔算好快,但喺落到場你會 Feel 到係快好多,所以真係唔可以單靠睇球員個數值,係真係要試過又或者睇下我嘅實評作準。 🙂

大衛韋拿係進攻 / 防守嘅 Work rate 方面係 High / Low,絕對啱晒打正前鋒,一來佢會 Ready 去突破越位,同埋會企係最前等待埋門機會,唔會成日唔知走咗去邊,二來 Low 防守 Work rate 都會減少多餘嘅體力消耗,等佢可以打晒全場。

抵造度 : 8 / 10

到現時為止個造價去到 260k, 而家高 Rating 嘅卡都比 Base Icon 個SBC 任扯高晒,好多人都會覺得太貴。但係筆者試用後發現佢真係好正,表現比想像中更好,比起上一篇介紹嘅布達堅奴更好用更抵玩,唯一問題係受制於大衛韋拿所屬嘅日職聯賽,連結 Chemistry 會有少少難度,如果你 Icon Swaps 換咗布達堅奴又或者哥迪奧拿就可以有 Perfect Link,咁就絕對要做,但如果你做完佢之後隊波要大執又或者只能夠放做 Super Sub ( 超級後備 ) 咁就留返啲錢,過幾日 Black Friday 就到,嚟緊應該重有更多 Flashback SBC 任務俾大家選擇。