《球迷世界》英超 Week 1 賽前預測!

雖然我喺朋友之間,被認為係估波準繩度極低,有「燈神」嘅美喻 ( 遊戲人主筆強行加按 : 琴晚佢先估中利記主其他 )。不過我會繼續堅持自己,屢敗屢試。諗諗下,呢個都可能係我嘅特殊技能,話唔定,都可以幫到大家。

西布朗 對 李斯特城

短評:升班馬西布朗希望在首場於主場有好表現, 應該會採取開放嘅睇法。李斯特城雖然面對後防傷患問題, 但係希望延續上季爭取頭四嘅好勢頭, 所以羅渣士會積極喺升班馬手上面攞三分。

賽果預測:1 比 2 (李斯特城勝)

熱刺 對 愛華頓

短評:熱刺喺近月嘅友賽表現不錯,雖然對嘅球隊都係比較弱嘅隊伍。佢哋買人方面今年唔算太積極。摩帥喺今季都想喺以前做番多少成績,畢竟上季同錦標嘅距離實在太遠。愛華頓方面,新簽嘅 J洛需要時間去融入球隊。另外兩位新簽嘅防中阿倫及杜哥利令球隊整體防守實力有所提升,有能力鉗制熱刺嘅進攻。

賽果預測:1 比 1

白禮頓 對 車路士

短評:車路士捱過咗買人禁令之後,今年有大量見到名都嚇死你嘅新星加盟:Timo Werner ,Hakim Ziyech ,Thiago Silva ,Ben Chilwell ,Kai Havertz。上年林柏特喺冇乜球員喺手嘅情況之下,都踢到頭四嘅成績,今年嘅實力提升到有力爭標嘅層次。可惜今場有Hakim Ziyech ,Thiago Silva ,Ben Chilwell未能出場,而新球員亦需要時間融合。白禮頓方面,至2017年球季開始到而家,都係英超中下游位置浮沉。雖然係利物浦簽咗拉蘭拿,但係亦走咗以往球隊不少主力(例如:Knockaert , Mooy等等),所以呢場波都會比較難踢

賽果預測:0 比 2 (車路士勝)