《球迷世界》英超 Week 1 韋斯咸vs紐卡素 – 賽後評分


自從歐聯所有賽事之後,都等咗差唔多成個月,終於有英超睇喇。好喇,事不宜遲,同各位巴打一齊睇下韋斯咸同紐卡素兩隊究竟踢成點先。

紐卡素

Karl Darlow – 6
做咗少量撲救,但係真正正面對巨威脅嘅射門唔多,反而面對韋斯咸頭槌攻門嘅時候,有兩次應該救到但最終中楣嘅情況,實在令人覺得唔夠穩陣。正選門將杜巴夫卡傷愈復出嘅時候,好大機會變返做後備。

Federico Fernández – 8
後防嘅定海神針,畀人好穩陣嘅感覺,而且攔截兇悍,解除咗好多危機。同隊長拿錫斯喺上半季合作一段好長時間,表現合拍。

Jamaal Lascelles – 7
防守方面冇太大問題,最大問題就係佢嘅好多真係麻麻地,差啲因為有次從後防向前推進失波,險些令球隊付出代價。要改善控球及傳球的能力。

Manquillo – 8
表現搶眼,攻守兼備。紐卡素第一球入球,就係由佢喺邊路傳中而間接導致的。

Jamal Lewis – 7
本週嘅新收購,對改善紐卡素左閘一直嘅問題,畀到球迷好大希望。進攻力不錯,經常上前同辛麥斯文幫手喺咗路發動攻勢。

Isaac Hayden – 7
今場繼續貫徹佢嘅爛打球風,鏟波一啲都唔會腳軟。每逢此子出場嘅時候,中後場防守都會穩陣好多。

Jonjo Shelvey – 7
雖然光頭仔嘅動作有啲慢,但係佢仍然係控制進攻節奏嘅中場大腦。係紐卡素發動進攻不可或缺嘅一部分。

Jeff Hendrick – 9
今年嘅新收購,雖然比本週另外三個新兵搶咗啲風頭,但係憑藉今場波嘅一球助攻同一球入球,證明咗自己嘅價值。而佢喺禁區邊嘅入球,反映到佢嘅技術同埋冷靜。Man Of the Match!

Allan Saint-Maximin – 7
每次攞波,都引到三至四個球員嚟招呼佢,亦都成為咗今個禮拜英超被侵犯最多嘅球員。腳法及速度凌厲,令到英超後衛聞風喪膽。唯一問題就係冇乜end-product。

Andy Carroll – 7
健健康康嘅卡路爾絕對不能睇少,只要畀到高空波喺佢個位,頭槌已經贏咗九成九。佢嘅存在令到球隊嘅進攻面立體好多,

Callum Wilson – 8
加入球隊嘅第一場地標戰,已經為球隊取得一個入球,佢做到紐卡素之前前鋒做唔到嘅嘢,就係當機會出現嘅時候,企喺適當嘅位置,同埋好好把握呢啲機會。雖然佢傳波比隊友同埋走位方面都爭咁啲問題,但係相信夾多一排時間,入波會陸續有來。

Joelinton – 6
落場都好肉搏, 好積極咁去搶波同埋進攻。 不過每次去到射門區域,你都會祈禱希望佢唔好射門。

Almiron – n/a

S. Longstaff – n/a

韋斯咸

Fabianski – 5
成場波冇乜太大問題, 只係第一球失球嘅時候可以反應得好啲 ( 不過軒迪歷 傳波嘅落點實在好難救)。 第二球喺龍門右邊近死角入網, 佢可以做嘅都唔係太多。

Fredericks – 6
面對對手Allan Saint-Maximin 既不停挑機, 冇乜出醜已經算係咁樣。 大致上都叫做降低咗喺右路嘅威脅。

Ogbonna – 6
防守上中規中矩, 兩球失球上面都唔係太大責任。 不過喺應付卡路爾方面, 都似乎冇乜辦法。

Diop – 6
表現同佢嘅拍檔Ogbonna 差唔多。 成場波裏面都冇乜太大犯錯。

Cresswell – 5
進攻同防守都表現不俗, 經常喺左路推前幫手。 唯一要批評嘅, 就係輸第二球嘅時候冇埋去拍波。

Noble – 6
表現中規中矩,穩陣有餘,而創造力不足。 不過有佢喺度領導嘅韋斯咸,可以感染到其他隊友令佢哋充滿鬥心。

Rice – 5
中場都做咗不少攔截, 不過唔知係咪我對佢期望太大, 所以覺得佢表現唔係太對辦( 話曬都係英格蘭崛起新星)。

Soucek – 6
通常有佢喺度,都會覺得多咗一份穩陣,而且喺傳中同埋角球嘅時候都創造咗一啲嘅攻門。 係其中一位比較表現亮眼嘅球員。

Fornals – 5
成場波表現平平, 最記得旁述提起佢個名嘅時候,就係換出嗰一刻。

Bowen – 5
喺右路冇乜太多發揮, 係喺傳中同角球幫手製造咗一啲威脅。

Antonio – 6
上半場早段嘅時候嘅一次施射有啲 威脅,喺供應不多嘅情況之下, 難以發揮佢嘅速度。

後備:
Yarmolenko – 6
落場之後,創造力及威脅有啲改善。

Haller – 5
唔講都唔知佢落場踢咗差唔多三十分鐘。

Anderson – n/a