《球迷世界》英超 Week 4 賽前預測! (週六賽事)

上週week 3 Prediction 結果

白禮頓 VS 曼聯
賽果預測:1 比 1
結果:2 比 3 (如計吹雞一刻,小編係中的)

水晶宮 VS 愛華頓
賽果預測:1 比 3 (愛華頓 勝)
結果:1 比 2

西布朗 VS 車路士
賽果預測:0 比 4 (車路士 勝)
結果:3 比 3

熱刺 VS 紐卡素
賽果預測:1 比 1
結果:1 比 1

曼城 VS 李斯特城
賽果預測:3 比 1 (曼城 勝)
結果:2 比 5

利物浦 VS 阿仙奴
賽果預測:2 比 1 (利物浦 勝)
結果:3 比 1

編按:上個禮拜估6中3,成績跌咗少少,同小編太太提及此事,被諷同亂估嘅機率差不多。不過都要幫自己講句公道話(^^),其實每場比賽都有3個可能性出現(而不是2個),要注意!!~~

今季特點係多爆冷賽果(大衛戰勝巨人歌利亞),及勁多手球導致嘅十二碼。所以唔好以為Big SIX就贏硬,同埋預計好多比賽都係大手交易(好多時半場入球都傾向接近/多於2球)。

進入國際賽前的一週英超,各隊都不存在留力週中賽事的情況,即嚟本週嘅賽前預測!


車路士 VS 水晶宮

短評: 水晶宮近況都唔錯,參考返佢對曼聯嘅賽果,證明佢係有能力擊敗有後防漏洞嘅強隊。而車路士嘅近況的確麻麻,先係第二場輸比利物浦,同埋喺上一場嘅英超賽事,係上半場先輸三球比西布朗,令人難以自信,亦反映後防球員泰亞高施華同其他新球員需要一段時間去融入球隊。

水晶宮面對不少傷患問題,踢咁多場波人腳都冇乜太大變動,但係長久落去將會令球員出現疲態。華拿之前有小傷,今場可能有機會稍為休息。

論質數,車路士梗係高過水晶宮,不過亦都唔能夠睇小水晶宮。但係領隊林柏特開始面對壓力,如果連續兩場都贏唔到較弱球隊,咁就出現英超三場不勝。

所以我估計車路士會以一球只差小勝水晶宮,而水晶宮亦有能力喺呢場波入球。

Man to Watch:Chilwell

賽果預測:3 比 2 (車路士 勝)

愛華頓 VS 白禮頓

短評: 愛華頓嘅近況fit到漏油,各項比賽六戰全勝,而喺英超就三場贏曬(所有人都諗緊究竟愛華頓喺邊場波會出現第一場敗仗呢)。

上場白禮頓對曼聯,吹完場雞嘅時候同曼聯踢成二比二,加上之前對紐卡素贏三比零嘅結果,都證明白禮頓有一定嘅進攻能力。

不過白禮頓嘅攻力只限對住防守力弱嘅曼聯,同埋創造力差嘅紐卡素先能夠發揮功效。面對着中前場咁強勁嘅愛華頓( James已獲得一啲足球網九月份最佳球員,而前鋒卡法路雲嘅表現亦都甚為搶眼),恐怕白禮頓只會迎來一次敗仗。

Man to Watch:James Rodriguez

賽果預測:3 比 1 (愛華頓 勝)

列斯聯 VS 曼城

短評: 曼城上場竟然大敗比李斯特城五比二,反映喺進攻同防守方面都出現問題。而列斯聯近況唔錯,對住另外兩支升班馬球隊都能夠獲勝。

曼城依然出現前鋒荒嘅問題,希望馬列斯、新加盟嘅托利斯同埋菲爾科頓能夠填補到進攻嘅缺口。而列斯聯嘅前鋒班福特甚為搶鏡,而球隊整體嘅功力甚為銳利(不過唔係好適應到英超嘅節奏,一味沖沖沖),相信可以炮製到入球。

不過喺整體球員質素,同埋適應英超節奏方面,始終同曼城有一段距離,所以曼城喺呢場波始終佔優。

預期係一場充滿入球及富娛樂性嘅比賽。

Man to Watch:Ferran Torres

賽果預測:2 比 4  (曼城  勝)

(特別推介)
紐卡素 VS 般尼

Man to Watch:Allan Saint-Maximin

賽果預測:1 比 0 (紐卡素  勝)