《球迷世界》英超 Week 6 賽前預測! (週六賽事)

上週week 4 Prediction 結果

上週week 5 Prediction 結果

愛華頓  VS  利物浦
賽果預測:2 比 2
結果:2 比 2

曼城 VS 阿仙奴
賽果預測:1 比 3 (阿仙奴 勝)
結果:1 比 0

紐卡素 VS 曼聯
賽果預測:2 比 1  (紐卡素  勝)
結果:1 比 4

熱刺  VS  韋斯咸
賽果預測:3 比 0  (熱刺  勝)
結果:3 比 3

李斯特城 VS 阿士東維拉
賽果預測:2 比 2
結果:0 比 1

列斯聯 VS 狼隊
賽果預測:2 比 2
結果:0 比 1

編按:上個禮拜只係估中一場,真係要同讀者講聲唔好意思。筆者發現,即使分析晒近況、所有數據、受傷情況等等,但係即場嘅戰術調動,或者意外(十二碼或者受傷),都可以令比賽產生完全不同嘅結果。

例如上場紐卡素對曼聯,竟然無出普巴,下半場尾段換入中場雲迪比之後曼聯即刻領先;利物浦對愛華頓果場波,後衛雲迪積克嘅受傷,令到後防頂唔住愛華頓嘅高空波,最終摸和;曼城果場阿古路突然復出又係始料不及。

韋斯咸  VS  曼城

短評: 韋斯咸已聯賽三場不敗,而曼城近八場波只係輸過一場,雙方近況都唔錯,不過以韋斯咸相對冇咁穩定。上場韋斯咸對熱刺,上半場已經輸咗三比零。筆者睇嘅時候諗緊下半場會輸再幾多粒?點知韋斯咸韌力十足,竟然俾佢追番和(同換走老孫有關)。

韋斯咸兩大前鋒安東尼奧同埋賀拿都未必能夠上陣。曼城方面,中場迪布尼有機會出到,加上前鋒阿古路上場已經復出,有助提升返曼城嘅攻力。

不過透過韋斯咸對熱刺嘅例子,當面對密集強攻嘅時候,韋斯咸後防似乎防守力不足,容易出現漏洞,所以唔排除呢場波都會比曼城入多過三粒。

賽果預測:1 比 3 (曼城 勝)

Man to Watch:Sterling


曼聯 VS 車路士

短評:曼聯自從無出普巴之後,中場活力同創造力提高,馬達同埋費特都算踢得唔錯,加上上場聯賽下半場出左雲迪比之後,曼聯即刻贏波,如果此子能夠上陣相信對球隊攻力有好大幫助。

今季嘅車路士星光熠熠,按道理應該穩守頭四名位置。不過今年個成績好似仲打得衰過上年。主要問題係攻力唔錯,不過後防又輸番好多波,搞到領隊林柏特都面對不少壓力,希望呢場波省靚招牌。

曼聯前鋒馬迪爾繼續停賽(第二場),對攻力有不少影響。如果雲迪比正選對曼聯獲勝機會較高,不過蘇B似乎唔係好願意俾佢正選上場,所以呢場波打和機會較大。

賽果預測:2 比 2

Man to Watch:Bruno Fernandes

利物浦 VS 錫菲聯

短評: 利物浦後衛雲迪克重創(要抖六至八個月),利物浦球迷聽到應該好傷心,絕對會影響到聯賽衛冕嘅形勢。

利物浦得返祖高美斯係常規後衛,預計防中法賓奴又要返後防做替工。不過面對實力低幾皮嘅錫菲聯(各項比賽未嘗一勝),照計利物浦實食冇痴牙。預計呢場波會贏得好輕鬆。

賽果預測:3 比 0  (利物浦  勝)

Man to Watch:Sadio Mane