《球迷世界》英超 Week 10 賽前預測! (週六至一賽事)

上週week 9 Prediction 結果

紐卡素  VS  車路士
賽果預測：0 比 3 (車路士  勝)
結果：0 比 2

熱刺 VS 曼城
賽果預測：2 比 1 (熱刺 勝)
結果：2 比 0

列斯聯 VS 阿仙奴
賽果預測：3 比 3
結果：0 比 0

利物浦  VS  李斯特城
賽果預測：1 比 2  (李斯特城  勝)
結果：3 比 0

編按：上個禮拜四場裏面估中三場結果，雖然唔中比數，不過都有啲安慰，希望嚟緊嘅預測可以幫到大家！

白禮頓 VS 利物浦

短評：上個禮拜，白禮頓係不被睇好嘅情況下，擊敗左阿士東維拉取得更八場比賽嘅首場勝利，有助提振士氣。另一邊廂，利物浦已經好多場不敗，反而係周中對意甲球隊亞特蘭大嘅時候，所有人都諗住手回合贏五比零嘅利物浦，今次返番主場應該實食冇痴牙，點知竟然輸二比零。

白禮頓喺組織同進攻方面有啲進步，上場波對阿士東維拉講真係幾好睇。而利物浦上場對李斯特城，喺殘陣之下都竟然能夠大勝三比零，完全睇唔出佢受到嚴重傷患困擾，多多少少都能夠反映領隊高普嘅調兵遣將嘅能力。

由於實力差距，加上上場英超利物浦用殘陣都大勝李斯特城嘅關係，好難預計白禮頓喺呢場可以拎到任何分數。

賽果預測：1 比 3 (利物浦 勝)

Man to Watch：Jota

愛華頓 VS 列斯聯

短評：愛華頓上場以三比二贏咗富咸，終止左三年敗嘅走勢。不過竟然對住富咸失左兩球，反映球隊防守出現問題。

列斯聯被阿仙奴和左，相信列斯聯嘅球迷會非常失望，因為列斯聯中咗三次門未楣同埋狂攻（25次射門）阿仙奴都冇波入。

愛華頓連輸嗰幾場，主因係有不少正選都未能出場。今仗唯一隱憂，係左閘甸尼受傷停賽兩個月，恐怕喺左手邊會面對不少壓力。

呢兩隊波平均每場入超過三球，今場相信都係大手交易。基於列斯聯有前冇後嘅踢法，喺Jay洛迪古斯嘅組織之下，愛華頓稍勝一籌。

賽果預測：3 比 2  (愛華頓 勝)

Man to Watch：Dominic Calvert-Lewin

車路士  VS  熱刺

短評： 本週英超大戰！兩對波近況都順到離晒譜，車路士各場比賽連勝六場，如熱刺則係五場！如果今個禮拜車路士可以勝出，則有機會取得榜首嘅位置。

論人腳，車路士各個位置都稍勝一籌（雖然後防相對較弱，但係熱刺中堅艾達維特受傷，打擊左熱刺嘅防守力）。熱刺方面，進攻太着重喺中鋒簡尼同翼鋒孫興民身上，如果車路士集中火力看管二人，則熱刺嘅進攻難以發揮；論領隊，熱刺嘅摩連奴經驗較林柏特優勝。

基於車路士嘅整體實力較優秀，所以有能力小勝刺一球。

賽果預測：3 比 2 (車路士 勝)

Man to Watch：Timo Werner

阿仙奴    VS  狼隊

短評：阿仙奴領隊阿迪達執教之後，成績只能叫做平平穩穩，冇太大驚喜，進攻方面好多時都太依靠前鋒奧巴美揚。如果作為球迷，見到積分榜嘅排名，恐怕係失望大於驚喜。

狼隊自從賣走咗祖達之後，近呢兩季嘅銳氣全失（以往大數人哋兩三球嘅境況，已不復再）。

兩隊波嘅近況只係一般，不過以狼隊較為佔優（近六場英超贏出三場），佢面對着同級及實力較接近嘅球隊，多數能夠勝出。但係，上一場波，被修咸頓搞到好狼狽。

基於兩對實力接近，而且近況不穩，所以打和機會較大。

賽果預測：1 比 1

Man to Watch：Pierre-Emerick Aubameyang

李斯特城 VS 富咸

短評：大家都諗住面對天殘地缺嘅利物浦，李斯特城照計應該贏到，點知最後返輸三比零！有啲打窒左李斯特城季初嘅強勢。

如果有睇開富咸嘅波，都知道娛樂性幾豐富，幾肯去進攻，就爭在差少少運氣，同埋奠定勝局嘅能力。

富咸今季唯一嘅聖像，就係贏咗同係喺榜尾嘅球隊西布朗。（其餘係一和七敗）我相信富咸嘅勝利會再次到來，不過並非對住李斯特城！實力實在太懸殊啦，英超嘅經驗亦都唔夠，唔可以一尾死攻難攻。

賽果預測：3 比 0  (李斯特城  勝)

Man to Watch：jamie Vardy