《球迷世界》英超 Week 7 賽前預測! (週日/一賽事)

紐卡素 VS  愛華頓

短評: 紐卡素近兩場英超嘅表現甚差(雖然帳面上係和左狼隊一比一,但係表現不堪入目)。愛華頓上場輸比修咸頓二比零,反映右閘史密斯高文缺陣同埋J洛不在狀態之下(右邊被狂爆),表現受到好大影響。

傷兵方面,紐卡素依然有正選門將杜巴卡缺陣,愛華頓就大鑊,連同史密斯高文同J 洛受傷之外仲有李察理臣同左閘甸尼紅牌停賽。預計兩條邊線會比紐卡素嘅快馬多次爆過,除咗左邊嘅辛麥斯文之外,上次串演打右閘嘅翼鋒梅菲有好表現,令到愛華頓兩邊閘位好頭痛。

賽果預測:2 比 1 (紐卡素 勝)

Man to Watch:Allan Saint-Maximin

曼聯  VS  阿仙奴

短評:曼聯有主力馬迪爾停賽,而阿仙奴則面對後防球員嚴重受傷問題。

曼聯喺季初嘅表現雖然備受批評,但係近八場賽事裏面贏咗六場,更喺周中嘅歐聯分組賽贏咗R B萊比錫(5:0),士氣大為一振。阿仙奴方面,雖然都係周中贏波,但係去返英超嗰邊,近四場:贏一場(錫菲聯)輸三場(都係前列位置球隊),所以用近況去計,阿仙奴今場贏波機會較低。

賽果預測:2 比 1  (曼聯 勝)

Man to Watch:Rashford

列斯聯 VS 李斯特城

短評:列斯聯近五場聯賽贏三場,上一場仲大勝阿士東維拉三比零破左維拉不敗嘅金身,反映狀態甚佳。李斯特城上一場聯賽小勝阿仙奴一比零,主要嘅分野在於前鋒華迪,甚有射手嘅本色。

兩隊波都各有傷兵,尤其以李斯特城較多主力受傷。兩隊嘅前鋒都甚有威脅(列斯聯嘅班福特上場連中三元)。列斯聯會採取高壓嘅踢法,對李斯特城後防產生壓力。但係華迪亦都唔係咁容易對付。所以呢場波都會幾接近。

賽果預測:2 比 2

Man to Watch:Vardy