《球迷世界》英超 Week 8 賽前預測! (週五 / 六賽事)

上週week 7 Prediction 結果

錫菲聯 VS  曼城
賽果預測:0 比 1 (曼城 勝)
結果:0 比 1 (估中比數)

般尼  VS 車路士
賽果預測:2 比 4  (車路士 勝)
結果:0 比 3

利物浦 VS 韋斯咸
賽果預測:2 比 1  (利物浦  勝)
結果:2 比 1 (估中比數)

紐卡素 VS  愛華頓
賽果預測:2 比 1 (紐卡素 勝)
結果:2 比 1 (估中比數)

曼聯  VS  阿仙奴
賽果預測:2 比 1  (曼聯 勝)
結果:0 比 1

列斯聯 VS 李斯特城
賽果預測:2 比 2
結果:1 比 4

編按:上個禮拜好好彩,六場中四場之餘,當中三場更加估中比數添,都令到小編增加不少信心,開始捉到點樣去分析球賽會更準。

不過每個禮拜都有一啲令人大跌眼鏡嘅賽果,例如今年雙曼都令小編多次失望。

修咸頓 VS  紐卡素

短評: 修咸頓嘅近況不錯,近五場聯賽只係和過車路士,其他全部贏曬。紐卡素亦喺上場意外地贏左愛華頓,拎到寶貴嘅3分。

本身呢場係五五波,不過關鍵係修咸頓近排十分火熱嘅前鋒丹尼京斯受傷,對前線造成很大嘅打擊,幸好中場禾特包斯可以填補到部份入球嘅工作。紐卡素中前場表現幾銳利,不過後防就唔算好穩陣。所以雙方都會互有失波。

基於禾特包斯嘅受傷,兩場波好大機會和氣收場(如果睇埋正選陣容,如果紐卡素出番上一場嘅陣容,紐卡素會有較大機會偷雞)

賽果預測:2 比 2

Man to Watch:Callum Wilson


愛華頓  VS  曼聯

短評:愛華頓自從冇咗James之後,英超連輸兩場,對手仲要係紐卡素同埋修咸頓。曼聯方面,曾經出現中興,突然間又喺歐聯同英超連輸返兩場,輿論又開始討論返蘇B嘅帥位問題。

James即使出得返,狀態都未必十足。曼聯方面連輸兩場之後,應該會重整防中嘅踢法,起碼唔好先失波。

相信呢場波實力非常接近,曼聯功力不俗,但係防守問題一直未解決,應該頂唔住愛華頓前鋒卡法路雲嘅空中優勢。

賽果預測:2 比 2

Man to Watch:Dominic Calvert-Lewin

車路士 VS 錫菲聯

短評: 今年英超球隊喺歐聯嘅表現都唔錯,往往能夠大勝對手。不過返去英超嘅賽場,似乎比賽難踢好多。喺車路士身上亦都唔例外。

車路士換咗新門將文迪之後,加上中堅泰亞高施華漸漸適應英超節奏,近五場波都係零失球。其他新簽球員亦漸有好表現。

車路士近況非常好,已經10場波未輸過,反觀對手錫菲聯近況差到離晒大譜,仲好努力咁爭取緊英超第一場勝利(雖然近兩場表現已有改善)。錫菲聯只能夠寄望唔好輸太多,已經叫做賺咗。

賽果預測:4 比 0  (車路士  勝)

Man to Watch:Hakim Ziyech