《球迷世界》英超 Week 9 賽前預測! (週六/日賽事)

上週week 8 Prediction 結果

修咸頓 VS  紐卡素
賽果預測:2 比 2
結果:2 比 0

愛華頓  VS  曼聯
賽果預測:2 比 2
結果:1 比 3

車路士 VS 錫菲聯
賽果預測:4 比 0  (車路士  勝)
結果:4 比 1

李斯特城 VS  狼隊
賽果預測:1 比 1
結果:1 比 0

曼城  VS  利物浦
賽果預測:1 比 2   (利物浦  勝)
結果:1 比 1

阿仙奴  VS  阿士東維拉
賽果預測:2 比 1  (阿仙奴  勝)
結果:0 比 3

編按:終於過咗國際賽,餓咗兩個禮拜波啦,嚟緊禮拜六日都各有一場大戰,分別係曼城對熱刺,同埋利物浦大戰李斯特城,即刻為大家送上本週賽前預測!

紐卡素  VS  車路士

短評: 修咸頓嘅近況不錯,近五場聯賽只係和過車路士,其他全部贏曬。紐卡素亦喺上場意外地贏左愛華頓,拎到寶貴嘅3分。

本身呢場係五五波,不過關鍵係修咸頓近排十分火熱嘅前鋒丹尼京斯受傷,對前線造成很大嘅打擊,幸好中場禾特包斯可以填補到部份入球嘅工作。紐卡素中前場表現幾銳利,不過後防就唔算好穩陣。所以雙方都會互有失波。

基於禾特包斯嘅受傷,兩場波好大機會和氣收場(如果睇埋正選陣容,如果紐卡素出番上一場嘅陣容,紐卡素會有較大機會偷雞)

賽果預測:0 比 3

Man to Watch:Hakim Ziyech


熱刺 VS 曼城

短評:兩對波喺國際賽期間,有不少球員要為國家上陣,慶幸大家都冇主力球員受傷。近況方面,兩隊都相當接近。不過順水睇英超成績,熱刺似乎較曼城稍為佔優,近五場當中贏咗四場,以曼城喺近五場裏面只贏得兩場。

熱刺喺10月份大勝曼聯六比一果場波,孫興民同哈利簡尼嘅合作近乎完美,雖然之後嘅銳利度稍為下降,不過編者認為佢哋今場波可以再次光芒四射。

賽果預測:2 比 1 (熱刺 勝)

Man to Watch:Son Heung-Min

列斯聯 VS 阿仙奴

短評: 列斯聯成績雖然一半,不過可以肯定嘅係佢哋踢嘅足球好多入球、好好睇,不過俾人嘅感覺係有前冇後,輸死罷就。

近況方面,列斯聯連輸兩場(仲要兩場都輸一比四),但係在之前一場對阿士東維拉竟然大勝對手三比零。阿仙奴方面,亦都係同阿士東維拉有關,阿記竟然輸比維拉三比零,都係有少少令人摸不着頭腦(因為之前亞仙奴係挾住連勝三場嘅氣勢)。

阿仙奴有不少後防傷兵,特別係防中湯馬士柏迪上場一出唔到,就輸比對手三比零。加上啱啱發生大衛雷絲襲擊施巴路斯事件,都令人擔憂係咪更衣室出咗問題,呢啲都令到領隊阿迪達相當頭痛。

無論點都好呢場波大家都會有不少入球比觀眾欣賞。

賽果預測:3 比 3

Man to Watch:Patrick Bamford

利物浦  VS  李斯特城

短評:今個禮拜嘅英超重頭戲+冠軍爭奪戰,利物浦大戰李斯特城!

兩隊波只係相差1分,邊個贏咗就可以暫時取得第一名嘅寶座。好多球評家都睇死利物浦,係後防大將雲迪克受傷之後,將會出現嚴重問題,但係結果竟然相反,利物浦近六場賽事贏出五場。受傷魔咒似乎繼續纏繞着利物浦,喺英超受傷排行榜裏面名列第一(前後共有10名球員受傷),將會繼續對領隊高普帶嚟嚴峻嘅考驗。

基於利物浦要用天殘地缺陣去對付李斯特城,編者估計喺華迪嘅幫助下,可以成功偷雞。

賽果預測:1 比 2  (李斯特城  勝)

Man to Watch:Jamie Vardy