《球迷世界》英超 Week 12 賽前預測! (週六至日賽事)

上週week 11 Prediction 結果


般尼  VS  愛華頓
賽果預測:0 比 1 (
愛華頓 勝)
結果:1 比 1

韋斯咸  VS  曼聯
賽果預測:2 比 2

結果:1 比 3

車路士  VS  列斯聯
賽果預測:3 比 2 (車路士 勝)

結果:3 比 1

熱刺   VS   阿仙奴
賽果預測:2 比 1 (
熱刺 勝)
結果:2 比 0

利物浦  VS  狼隊
賽果預測:2 比 1  (
利物浦  勝)
結果:4 比 0

編按:周中嘅歐聯賽事,本身仲諗住今年歐聯會有四對英超隊入到淘汰賽,但係點知曼聯錯失機會,導致歐聯出局,再次反映曼聯表現不穩,領隊蘇斯克查實力令人懷疑(贏波都係符碌)。今週曼市大戰會有咩結果呢?!?!

曼聯  VS  曼城

短評:曼聯啱啱喺歐聯分組賽出局,近況方面比曼城差少少,領隊蘇斯克查應該好希望透過呢場曼徹斯特打吡振奮一下士氣,不過相信會事與願違。


曼城喺最近五場都保持零失球,相對於曼聯則表現好好多,亦反映曼聯中堅及龍門不穩嘅問題。另外,曼聯不少球員嘅表現都時好時壞(例如中場普巴,前鋒華舒福等等)。

基於以上種種原因,曼城可以喺呢場打吡戰當中勝出。

賽果預測:0 比 2 (曼城 勝)

Man to WatchGabriel Jesus

愛華頓  VS  車路士

短評:喺季初嘅愛華頓表現悅目,踢法甚具娛樂性,曾經喺積分榜上面排喺前列位置。不過自從10月出現球員停賽及受傷之後,表現一直下滑,近七場賽事當中只係贏得一場(對住富咸),傷癒復出嘅占士洛迪古斯亦都踢唔番喺季初嘅亮眼水準。

相反,車路士喺所有賽事當中,錄得17場不敗,雖然係周中嘅歐聯分組賽被迫和,不過亦都無阻佢殺入歐聯淘汰賽。而且車路士喺各個位置當中都有多過一個選擇,不少球員都希望爭取好表現。愛華頓後防嘅受傷問題,令領隊安察洛堤局住要出部份球員,或者要踢不熟悉嘅位置。

賽果預測:0 比 2  (車路士 勝)

Man to Watch:Olivier Giroud

水晶宮  VS  熱刺

短評:熱刺孖寶哈利簡尼同埋孫興民已經合作炮製左不少入球,暫時睇唔到有乜嘢球隊能夠阻擋佢哋入波。如果熱刺呢場勝出,可以繼續穩坐榜首嘅位置,亦都有人話今年係熱刺最接近冠軍嘅一年,相信摩連奴好希望對着水晶宮能夠全取3分。

水晶宮嘅實力亦不容忽視,雖然排喺中游位置,但係都偶有佳作。沙夏喺紐卡素同般尼嘅賽事未能出場就輸波,上一場對西布朗復出就連入兩球,協助球隊取勝,暫時為球隊喺聯賽入咗七球,相信會比到熱刺後防一定壓力。

賽果預測:1 比 3 (熱刺 勝)

Man to Watch:Son Heung-Min

富咸   VS   利物浦

短評:利物浦喺最近三場作客賽事當中都未能勝出,呢場對住富咸就好有機會打破上述紀錄。利物浦雖然傷兵滿營,不過負面影響似乎比預期中低,可能同替補嘅後備球員表現及實力不錯有關。正選門將艾利臣又受傷,領隊高普要繼續指派後備門將基利尼亞上陣,此子已經為球隊上陣三場,當中只係失過一球波。

富咸表現繼續低迷,雖然早前出奇地贏咗李斯特城,取得寶貴3分,幫助球隊逃離降班區,但係連續要對住曼城同埋利物浦,相信暫時都唔能夠再攞到分數。富咸嘅表現已經有啲改善,不過始終難以取得分數,無論對住任何球隊,都充滿熱血咁向對方進攻。唔通就係問題嘅所在?

賽果預測:0 比 3 (利物浦 勝)

Man to Watch:Mohamed Salah

阿仙奴  VS  般尼

短評:一般我揀球賽黎預測,多數都係揀一啲熱門/多人鍾意嘅球隊,不過今次有啲難揀,雖然最後都揀咗阿仙奴。不過如果阿仙奴繼續令人失望,下次都唔知揀唔揀佢好。

阿仙奴喺聯賽唔識入波係最大問題,喺球會射手榜裏面,入三球嘅拿卡錫迪已經排喺第一,可見入球能力出咗好大問題。(都係果句,唔好睇歐洲賽嘅成績,近四場嘅歐洲賽,阿仙奴都能夠入到三球或以上)

對手般尼雖然排喺第18位(但係都係相差阿仙奴三位),但係千祈唔好睇小對手,近四場波只係輸比曼城,阿仙奴面對般尼呢種體力化同衝撞型踢法,一啲都唔容易對付。

賽果預測:1 比 1

Man to Watch:Chris Wood

(特別推介)
紐卡素 VS 西布朗
賽果預測:2 比 1 (紐卡素  勝)
Man to Watch:Wilson