《球迷世界》英超 Week 14 賽前預測! (週六 至 二賽事)

上週week 12 Prediction 結果


曼聯  VS  曼城
賽果預測:0 比 2 (曼城 勝)
結果:0 比 0

愛華頓  VS  車路士
賽果預測:0 比 2  (車路士 勝)
結果:1 比 0

水晶宮  VS  熱刺
賽果預測:1 比 3 (熱刺 勝)
結果:1 比 1

富咸   VS   利物浦
賽果預測:0 比 3 (利物浦 勝)
結果:1 比 1

阿仙奴  VS  般尼
賽果預測:1 比 1
 結果:0 比 1

紐卡素 VS 西布朗
賽果預測:2 比 1 (紐卡素  勝)
結果:2 比 1

編按:上週六連同周中嘅比賽,不少強隊都10分,再次出現爆冷賽果!加上英超聖誕快車之下,不少球員出現疲態,導致更容易受傷。之前已經有領隊再次提及五個換人名額嘅事宜,但係英超賽會繼續堅持維持三個換人名額嘅決定。相信都會繼續令到球隊表現不穩及受傷增加嘅情況。


水晶宮  VS  利物浦

短評:上周利物浦爆冷被富咸逼和,可幸嘅係喺周中險勝返熱刺。喺成績上,利物浦似乎冇被嚴重嘅受傷情況所困擾。對手係係中游嘅水晶宮,球隊嘅表現都算中規中矩,近三場英超全部麥大,更喺上周和左熱刺。呢場都可以預計,水晶宮能夠為利物浦帶來不少麻煩,取得3分並唔容易。

賽果預測:1 比 1

Man to Watch:Wilfried Zaha

愛華頓  VS  阿仙奴  

短評:愛華頓喺經歷咗10月同11月嘅頹勢之後,近呢三場英超迅速反彈,接連贏咗車路士同埋李斯特城,令人大跌眼鏡,或者可以咁講,愛華頓回復返佢季初時候嘅銳勢。阿仙奴嘅近況慘到無倫,已經六場英超不勝,領隊阿迪達仲話希望透過周中和咗修咸頓嘅結果去重新上路(都唔知好嬲定好笑)。

喺近況上面一強一弱,必然係估愛華頓踩多阿仙奴一腳。

賽果預測:1 比 0  (愛華頓 勝)

Man to Watch:Richarlison

紐卡素  VS  富咸

短評:紐卡素早前受到新冠肺炎影響導致停賽一場,復賽後先贏咗西布朗及後喺周中大敗被列斯聯二比五,綜合來講,紐卡素嘅表現都係極之不穩定。加上球員質素一般,紐卡素有呢個分數,好大程度上同佢嘅領隊布魯士同埋新買入嘅前鋒哥林威爾遜有關。

富咸方面,近兩場英超都係打和,叫做幫球隊止一止血。富咸嘅比賽都係同列斯聯有啲相似,充滿娛樂性之餘,球員亦好有鬥心。

富咸嘅機動性踢法會令到缺乏活力嘅紐卡素難以招架。但係,富咸又冇奠定勝局嘅能力 。

賽果預測:1 比 1

Man to Watch:Callum Wilson

熱刺   VS   李斯特城

短評:熱刺本來上場有機會贏到利物浦 , 不過自己浪費咗不少機會 , 終止咗球隊 連續不敗嘅紀錄 。 摩連奴希望透過呢場波 ,重拾勝利嘅感覺 。 李斯特城喺早一個月之前 , 經歷咗一段低潮 , 最近嗰場亦輸咗畀愛華頓 。

論球隊嘅實力 , 熱刺的確稍勝一籌 , 佢哋嘅 「孫簡組合 」 難以抵擋 。

賽果預測:3 比 1 (熱刺 勝)

Man to Watch:Son Heung-Min

曼聯   VS  列斯聯

短評:曼聯今季嘅表現唔係太穩定 , 雖然錄得英超六場不敗紀錄,但係勝出嘅時候 , 都缺乏說服力 , 有時應贏嘅時候亦都自己白白錯失機會。 列斯聯喺周中大勝實力一般嘅紐卡素 , 展現出球隊強大而快速嘅攻擊力。 喺面對表現不穩嘅曼聯 , 列斯聯絕對有能力懲罰對手 。 不過論實力 , 曼聯又有扭轉賽局能力嘅球員 , 所以呢場波都係難分難解 。

賽果預測:2 比 2

Man to Watch:Raphinha

車路士   VS  韋斯咸

短評:車路士原本係各項比賽連續多場不敗,講到車路士係今屆奪冠大熱之一,點知爆冷輸咗比愛華頓同埋狼隊,痛失6分。相反,韋斯咸喺排名榜上面只差車路士一位,遠遠好過預期。如果睇返雙方嘅人腳,同埋車路士洗咗嘅錢,韋斯咸嘅老細對於球隊嘅成績絕對收貨。

車路士今季嘅主場成績甚佳,除咗係開季嘅時候輸咗比利物浦之外,從未落敗。所以車路士喺呢場倫敦打吡當中,有較佳優勢。

賽果預測:2 比 1 (車路士 勝)

Man to Watch:Mason Mount