《球迷世界》英超 聖誕快車(26-28/12) 賽前預測!

上週week 14 Prediction 結果


水晶宮  VS  利物浦
賽果預測:1 比 1
結果:0 比 7

愛華頓  VS  阿仙奴
賽果預測:1 比 0  (愛華頓 勝)
結果:2 比 1

紐卡素  VS  富咸
賽果預測:1 比 1
結果:1 比 1

熱刺   VS   李斯特城
賽果預測:3 比 1 (熱刺 勝)
結果:0 比 2

曼聯   VS  列斯聯
賽果預測:2 比 2  
結果:6 比 2

車路士   VS  韋斯咸
賽果預測:2 比 1 (車路士 勝)
結果:3 比 0

編按: 又來到12月嘅聖誕快車期,球迷又可以睇波睇到飽,但係對不少球隊來講,咁頻繁嘅賽期簡直就係地獄,不少球隊已經面對疲勞同傷患問題,再加上有個別球隊受到疫情嘅打擊,可能會出現意想不到嘅結果。


李斯特城  VS  曼聯

短評:喺早兩個月之前,不少人喺度談論曼聯領隊蘇 B會否帥位不保。轉眼間黎到12月,曼聯成個氣勢唔同晒,近況方面超級強,對上一次輸波已經係11月1日對阿仙奴嘅賽事,中間大部份都贏曬!李斯特城方面,商場贏咗熱刺之後,幫助球隊返返去第二嘅位置,不過整體來講10一二月嘅李斯特城表現都係有啲唔穩定。

曼聯近況極好,表現開始復甦(入球已經不成問題)。喺咁嘅情況下,球員質素大多較李斯特城優勝嘅曼聯,贏面會比較大。

賽果預測:1 比 3 (曼聯 勝)

Man to Watch:Bruno Fernandes

阿仙奴  VS  車路士

短評:近況低沉嘅阿仙奴,喺聖誕快車期就要盈利實力強橫嘅車路士,恐怕係失望嘅開段!阿仙奴對上一次係聯賽贏波,要數返去到11月1號贏曼聯嘅果場,足足接近兩個月冇喺聯賽中贏波,阿仙奴轉眼間已經跌到落聯賽榜第15位,同降班區只係差四分,究竟幾時先會換領隊呢?

早前超級強勢嘅車路士喺12月中嘅時候喺聯賽連輸兩場,實在令不少人大跌眼鏡,可幸嘅係喺周中對韋斯咸嘅賽事大勝三比零,終於重拾勝鼓。

實力上車路士有有些微優勢,但係論近況方面阿仙奴慘絕人寰,定敲車路士勝出賽事。

賽果預測:1 比 3  (車路士 勝)

Man to Watch:Tammy Abraham

曼城  VS  紐卡素

短評:聖誕快車期嘅第一場,我嘅愛隊紐卡素就要對住實力超班嘅曼城,恐怕呢個聖誕節都唔會快樂!

曼城已經喺各項比賽當中錄得九場不敗嘅紀錄,以往績上曼城較紐卡素佔優,紐卡素就算要拎1分走都絕對不容易。雖然今年曼城係聯賽方面嘅表現一般,暫時擺喺聯賽榜嘅第八位,雖然紐卡素嘅排名低過曼城只係四位,但老實講,紐卡素今年嘅表現真係睇到小編欲哭無淚, (中場核心舒維速度極慢,前鋒祖亞寧頓唔識入波,仲要經常喺前場破壞進攻節奏 )只要面對機動性較高嘅球隊,紐卡素都係完全冇得打。好多時紐卡素拎到分數都係靠運數!

雖然曼城嗰邊有捷西斯同埋獲加受新冠病毒感染,但係紐卡素嗰邊都有不少球員因新冠病毒導致疲勞及狀態不佳而未能上陣,所以紐卡素都難逃大敗。

賽果預測:4 比 0  (曼城 勝)

Man to Watch:Sergio Agüero

利物浦    VS   西布朗

短評:榜首與榜末大戰!利物浦嘅功力強橫上一場大勝水晶宮七比零,進攻三叉戟加埋入咗五球,火力強度有啲可怕,今次面對榜末嘅尾二球隊西布朗,睇怕新上任嘅領隊艾拿戴斯要拎到佢上任之後嘅第1分,恐怕都要等一等!

賽果預測:4 比 0 (利物浦 勝)

Man to Watch:Mohamed Salah

狼隊    VS  熱刺

短評:狼隊今年嘅表現浮浮沉沉,加上佢哋嘅入球核心占美尼斯不能上陣,對今年跌咗Watt嘅狼隊來講,攻擊力更加大打折扣。

熱刺方面十二月份之前嘅熱刺氣勢好好,講到最有機會爭標嘅一年,但係喺12月中對爭標競爭對手李斯特城同埋利物浦都相繼輸波,令到熱刺好快跌咗落第六位。不過今場對住實力較弱嘅對手,令不少人刮目相看嘅進攻核心「孫簡組合」會再次發揮佢哋對敵人嘅破壞力!

賽果預測:1 比 3 (熱刺 勝)

Man to Watch:Son Heung-min