《球迷世界》英超聖誕快車(1-4/1) 賽前預測!(三)

曼聯  VS  阿士東維拉

短評：曼聯氣勢非常火熱，喺聯賽已經錄得10場不敗嘅戰果。而阿士東維拉亦不遑多讓跟五場聯賽當中，三勝兩和（雖然當中冇強隊）！維拉喺今年嘅排名同上年真係有好大差距，今年已經進佔排行榜第五位。

兩隊都冇太多受傷嘅問題，而阿士東維拉早前嘅守將明斯上一場停賽後，今場可以復出。已進攻中場巴克利實力不容置疑，今場亦都可能為維拉上陣。

曼聯照計贏面較大，不過如果睇返曼聯上一場賽事，球隊只係喺最後階段先能夠入球戰勝狼隊，而且超級後備殺手卡雲尼需要由今場開始停賽三場，估計今場波會出現拉鋸戰，而因為曼聯缺乏後備殺手，最後未必有能力奠定勝局。

賽果預測：2 比 2

Man to Watch：Jack Grealish

熱刺  VS  列斯聯

短評：熱刺近呢一個月明顯跌Watt，好彩上一場對狼隊執到1分，否則會錄得連輸三場嘅結果。而列斯聯嘅近況似乎比熱刺較好，近八場賽事當中，贏四場輸三場，不過起碼都叫做贏到波。而列斯聯攻好過守嘅打法，都可以預期球隊會有失球嘅情況，所以呢場波絕對會有不少入球觀賞！

雖然熱刺近況下滑，但基於列斯聯容易失波嘅特點，所以呢場波打和機會較高。

賽果預測：2 比 2  

Man to Watch：Patrick Bamford

西布朗    VS   阿仙奴

短評：阿仙奴啱啱連贏兩場，大家都知道，喺中下游嘅球隊贏一兩場波，成個排位即刻會升好多，阿仙奴連贏兩場之後，已經即刻逃離降班區嘅威脅，上返去13位。而家降班區嘅西布朗， 16場只得8分，依然係榜尾苦苦掙扎，如果要逃出生天，相信都要有啲奇蹟。

聖誕快車本來對近況麻麻地嘅阿仙奴領隊啊迪達來講，可能係死亡快車，如果連續輸晒呢三場波，睇怕佢都會烏紗不保。點知頭兩輪快車贏咗兩場，戰績改善，喺尾輪對住西布朗，係冇主要球員缺陣之下，相信阿仙奴無論實力、往績、或近況方面，都完全勝過西布朗。

賽果預測：0 比 3  (阿仙奴 勝)

Man to Watch：Alexandre Lacazette

紐卡素   VS  李斯特城

短評：紐卡素上一場對利物浦，喺將是用命及全對死守嘅情況之下，拎到寶貴嘅1分，見證着近兩場表現有所提升嘅講法。但係球隊表現不穩始終係一大問題。

李斯特城嘅近況亦都不錯，雖然啱啱嗰兩場比水晶宮同曼聯和左，但係良好嘅戰績令到球隊排喺第三嘅位置。李斯特城作客嘅戰績係比較標青，八場作客賽事當中，勝出六場，只係輸咗一場（對住利物浦）。李斯特城前鋒華迪如無意外可以正選上陣，而紐卡素亦會如無意外採取五人防線，不過最大問題係防中Isaac Hayden未能上陣，此子經常破壞對手進攻，未能上陣將會係後防一大隱憂。

攞卡數缺乏休息亦係一個問題，三日前先對完利物浦，而李斯特城就足足有六日嘅休息時間，聖誕快車周期來講就會顯得有更大差別。

賽果預測：0 比 1  (李斯特城 勝)

Man to Watch：Jamie Vardy

修咸頓    VS  利物浦

短評：修咸頓近四場聯賽不勝，當中有三場係打和，而且近三場比賽當中，都未能取得入球，可能令人擔心入球能力。而利物浦方面，自從大勝水晶宮七比零之後，近呢兩場對住中下游球隊紐卡素同埋西布朗，只能夠打和收場。令人諗起究竟會唔會係利物浦進攻太倚重前線三叉戟，而中場球員例如軒達臣及占士米拿等人，性質比較相似，缺乏創造力有關？（ 12月中對住榜尾富咸都係只能夠打和）

如果呢場波修咸頓有心同你死守，有機會出現打和嘅情況（要睇埋即場出場陣容）。不過如果論實力，利物浦有機會小勝！

賽果預測：0 比 1 (利物浦 勝)

Man to Watch：Salah