《球迷世界》英超 (30/1-1/2/21) 賽前預測!


編按: 呢排啲英超踢得好密,周中嘅賽事真係睇唔掂。車路士領隊林柏特亦啱啱走人,相信不少英超領隊都膽顫心驚!

愛華頓  VS  紐卡素

短評:本週六嘅英超頭場,上演愛華頓大戰紐卡素。愛華頓喺近八場英超賽事當中,只係輸過一場,為球隊取得不少分數,但氣勢已經比季初時減弱不少,特別係佢哋嘅前鋒卡法路雲已經近六場聯賽冇波入。紐卡素方面,近況持續沉淪, 11場賽事不勝同埋連輸六場嘅記錄,一啲都唔光彩,領隊布魯士已經面對不少球迷要求佢下台嘅聲音!

紐卡素喺積分榜上面,已經接近一個月分數停留喺19分,雖然距離降班區仲有6分嘅距離,但係如果紐卡素唔開始攞下分,好快就會跌落降班漩渦。近況點差都會有反彈嘅一日,好似之前排名第15、16位嘅阿仙奴一樣,三扒兩撥已經返番上聯賽榜頭半版。

基於上一場紐卡素對列斯聯果場表現有不少進步,加上愛華頓火力減弱,而紐卡素面對高空波亦都有一手,應該有能力頂得住愛華頓嘅高空優勢。相信紐卡素有分落袋! !

賽果預測:1 比 1  

Man to Watch:Saint -Maximin

西布朗   VS   富咸

短評:西布朗同富咸將會上演榜尾大戰!榜尾方面越嚟越緊湊,由13位嘅狼隊(23分)到第17位嘅白禮頓(18分)都有機會跌落降班漩渦。富咸打小場領先西布朗2分,近八場聯賽當中,只係輸咗兩場,其餘全部打和。西布朗換咗Fire Fighter 艾拿戴斯做領隊,都叫早前贏過狼隊,為球隊執返少少分數,不過成績嘅進步並不顯著。

入球始終係兩支球隊最大問題。無獨有偶,兩隊都係聯賽總共入咗15球只係僅僅比榜尾嘅錫菲聯同埋般尼多。相信結果都係海軍鬥水兵,水鬥水!


賽果預測:1 比 1

Man to Watch:Alphonse Areola

阿仙奴    VS   曼聯

短評: 本週嘅重頭戲,阿仙奴大戰曼聯!兩支球隊都曾經歷過低潮,阿迪達斯同埋蘇斯克查喺季初都面對過被炒魷嘅危機,車路士領隊林柏特被炒後,蘇斯克查公開感謝高層對佢嘅耐性,就知道佢其實都感受到被炒魷嘅危機及壓力!

好彩!兩支球隊慢慢打返出佢哋應有嘅表現,阿仙奴近六場聯賽贏出五場,氣勢一時無兩!曼聯方面上一場對錫菲聯竟然輸咗一比二,又係成地眼鏡碎!

論球員實力,曼聯稍為佔優。不過阿仙奴這幾位年青球員,例如沙卡同埋史密夫路維,近幾場波表現三位搶鏡,落場嘅時候不惜氣力。

不過曼聯有個紀錄幾巴閉,就係今季聯賽作客從未輸過,相信今次作客去阿仙奴仍然會保持呢個紀錄!

賽果預測:1 比 2 (曼聯 勝)

Man to Watch:Paul Pogba

李斯特城    VS  列斯聯

短評:兩支球隊實力同經驗上有啲距離,李斯特城較為上風。華迪嘅缺陣對李斯特城有莫大嘅影響,不過李斯特城嘅不同位置,都有能力入球,例如麥迪臣同埋班尼斯。列斯聯方面就繼續保持進取及壓迫嘅踢法,睇佢哋嘅波絕對係賞心悅目。相信喺李斯特城嘅後衛伊雲斯同埋防中尼迪迪受傷嘅情況下,列斯聯絕對有能力取得入球。

李斯特城近八場嘅賽事從未輸過,喺近況上比列斯聯佔優!

賽果預測:2 比 1 (李斯特城 勝)

Man to Watch:James Maddison

韋斯咸   VS  利物浦

短評:點估都估唔到,韋斯咸同埋曾經上過榜首嘅利物浦,而家排名只係相差一位!主要原因都係同近況有關!韋斯咸表現相當fit,近八場聯賽從未輸過,而且更陸戰傳承!相反,利物浦就慘了,近六場聯賽當中,只係喺上一場贏過一場(對熱刺),頻頻失分係利物浦由榜首滑落嘅主因。

利物浦今年中咗受傷魔咒,早打睇季初打得好地地,表現搶鏡嘅佢又無啦啦大傷!持續不少球員受傷,所出現嘅後遺症慢慢浮現。例如不少中場球員要調去防守,令到中場唔夠人用,而中場欠缺創造性嘅問題亦都令到前面三叉戟入球能力下降。

雖然韋斯咸近況超卓,但係睇返對手嘅實力就只係平平。相反利物浦大勝熱刺三比一之後,相信會為球隊士氣帶來正面影響。

賽果預測:1 比 2 (利物浦 勝)

Man to Watch:Mane