《球迷世界》英超 (16 – 18/1/21) 賽前預測!


編按: 逢親踢國際賽同埋杯賽,嗰個禮拜都好鬼死悶,因為冇英超睇!剛剛嘅杯賽,我嘅愛隊喺加時階段擺喺亞仙奴手上,之後果場聯賽又送分比今季未開齋嘅錫菲聯,近況極差。希望你哋鍾意嘅球隊唔會好似紐卡素咁樣。

富咸  VS  車路士

短評:車路士嘅近況,可以用沉淪嚟到描述,積分榜已經跌到落第九位喺近八場當中,計埋上一場杯賽贏咗韋甘比,都只係贏過兩場。車路士人腳絕對冇問題,反而新加盟嘅球員似乎融入得唔係太好,用返上一年嘅班底可能更好,例如基奧特同埋艾巴咸。

富咸表現一直有改善,面對強隊都會同你鬥攻。喺分數上面開始有分落袋,雖然贏唔到,但係跟六場波全部打喎,面對着強隊如利物浦同埋熱刺,更加可以爭取到入球,相信都可能比到壓力林柏特。

不過車路士頹左咁耐,呢場波似乎係車路士扭轉頹勢嘅關鍵賽事,睇返往績,車路士4勝1和(作客),贏面較高。

賽果預測:1 比 2 (車路士 勝)

Man to Watch:M. Mount

李斯特城  VS  修咸頓

短評:李斯特城同埋收咸頓今年都帶來驚喜,兩隊波都有能力爭奪歐聯職位,只要修咸頓今場波贏多過兩球,就可以取代李斯特城排係第四位,相信修咸頓嘅球迷點樣都估唔到。我雙方近況都不錯李斯特城跟六場當中贏出三場,而收咸頓更七場當中都係贏三場,更加係上個禮拜贏咗榜首嘅利物浦一比零,令人吃驚!

傷患方面,修咸頓佢地嘅入球主力丹尼京斯不幸確診新型肺炎,而且球隊有不少傷兵,雖然今季李斯特城主場成績麻麻地,但係陣容相對完整嘅李城似乎有較佳優勢。


賽果預測:1 比 0  (李斯特城 勝)

Man to Watch:Jamie Vardy

錫菲聯   VS  熱刺

短評:首先恭喜錫菲聯取得首勝(由我嘅愛隊紐卡素提供! )不過佢哋似乎距離逃離降班區仲有一段距離(足足9分! )佢哋嘅波充滿幹勁,組織亦都不錯,最大問題係球員質素一般、埋門能力一般!往往係差最尾一腳!熱刺嘅近況麻麻哋,只係好過車仔少少,不過起碼叫做最近贏番啲波(近6場各項賽事中,贏四場和兩場),喺積分榜排位當中暫時唔使下跌。

熱刺領隊摩連奴好希望透過對榜尾球隊,爭取一場大勝,希望協助球隊振奮一下士氣。無論球員實力或者近況方面,熱刺都較錫菲聯優勝。

賽果預測:0 比 3  (熱刺 勝)

Man to Watch:Son Heung-Min

利物浦    VS   曼聯

短評:曼聯喺英超積分榜,爬下爬下竟然上到去榜首位置!

曼聯喺英超積分榜,爬下爬下竟然上到去榜首位置!相信想炒蘇斯克查嘅球迷,似乎願望落空。

而利物浦表現有啲下跌,開始冇咗好銳利嘅攻擊!以上場為例,雖然對住修咸頓有較多攻勢,但係真正具威脅嘅就唔多,而好多球隊已經開始睇通利物浦嘅打法,主要係靠前面嘅三叉戟,而中場亦都冇好創造性嘅球員,呢個問題係利物浦嘅隱憂。

兩隊波嘅實力好接近,以利物浦較為佔優,但係利物浦暫時面對近況下跌嘅情況,似乎賽果係難分勝負。

賽果預測:1 比 1

Man to Watch:Cavani

阿仙奴    VS  紐卡素

短評:紐卡素已經接近一個月未贏過波,8場各項賽事中,錄得三和五負嘅劣績。更喺啱啱周中賽事,拱手相讓3分比榜尾嘅錫菲聯,認真豪爽!

而阿仙奴方面,似乎已經走出陰霾,近五場賽事三勝兩和,形勢漸好。球隊似乎開始重拾信心同埋入球,雖然前鋒奧巴美揚嘅入球數字不似預期,但係相信阿仙奴會慢慢喺積分榜上返去較前列嘅位置。

正常去睇呢場波阿仙奴贏面夠大,不過如果參考返上周足總杯嘅往績,阿仙奴面對死守嘅紐卡素,要去到加時階段先能夠取得入球,反映紐卡素有能力手和入球能力較弱嘅阿仙奴。紐卡素領隊布魯士嘅消極踢法面對不少球迷抨擊,如果佢今場轉打進攻足球,阿仙奴贏面較大,否則紐卡素有力一和。

賽果預測:0 比 0

Man to Watch:Karl Darlow